Slúður

2003-09-22T08:19:00.000-07:00

Segja hjónabandið standa traustum fótum
Victoria og David Beckham hafa gefið út sameiginlega yfirlýsingu þess efnis að hjónaband þeirra standi á traustum grunni.
Í yfirlýsingunni segir að þau séu einstaklega hamingjusöm saman, en því hefur verið haldið fram að hjónaband þeirra sé á vonarvöl vegna sölu Davids til spænska stórliðsins Real Madríd. Þau segja þar ennfremur að þeirra eina vandamál felist í því að þau hafi ekki fundið húsnæði í Madríd sem uppfyllir kröfur þeirra.

Þreytt á afturendum
Söngkonan Beyoncé Knowles sem vakið hefur athygli margra á afturendum kvenna og þeirri fegurð sem í þeim felst, segist nú vera orðin þreytt á þeirri umræðu sem hún hefur stofnað til.
"Þetta er mjög kjánalegt. Ég samdi lagið Bootylicious fyrir þremur árum. Nú er þetta orð í orðabók. Í hreinskilni sagt þá hata ég þetta orð," sagði Beyoncé.
Knowles, sem kom fyrst fram á sjónarsviðið í hljómsveitinni Destiny's Child, hefur verið gagnrýnd vegna söngva sinna og örvandi myndbanda þar sem hún þykir hreyfa afturenda sinn með afar frjálslegum hætti. Samkvæmt ummælum sínum í viðtali fyrr í vikunni hefur hún nú látið af slíkri hegðan og segir að það sé tímabært að breyta um stíl: "Ég er að eldast og stíll minn á að endurspegla það," sagði Knowles í viðtalinu.

2003-09-20T12:36:00.000-07:00

Destiny's Child undirbúa nýja plötu
Stúlkurnar í Destiny's Child eru farnar að huga að gerð nýrrar plötu. Beyoncé, sem undanfarið hefur verið að gera allt vitlaust með laginu "Crazy in Love", segir það ósk sína að lögin á plötunni væntanlegu verði á trúarlegum nótum enda hafi þær stúlkur þroskast mikið andlega síðan síðasta plata, Survior, kom út.
Stjórarnir hjá Sony voru víst ekkert alltof hressir þegar þeir fréttu af þessari yfirlýsingu Beyoncé því þeir hafa áhyggjur af því að gospeltónlistin eigi eftir að fæla frá gamla Destiny's Child-aðdáendur.

2003-09-19T15:30:00.000-07:00

70 ára gömul kona höfðar mál á hendur Eminem
70 ára gömul kona í Los Angeles hefur höfðað mál á hendur tónlistarmönnunum Dr. Dre og Eminem fyrir að hafa notað tónlistarbút án heimildar. Konan, Harlene Stein, telur að tónlistarmennirnir hafi notfært sér tónlist frá eiginmanni sínum, Ronald, á breiðskífu Eminem, sem nefnist Slim Shady. Harlene segir að í laginu "Guilty Conscience" sé að finna bút úr laginu "Pigs Go Home", sem Ronald samdi fyrir kvikmyndina "Getting Straight" frá 1970.
Lögmaður Harlene segir að á breiðskífunni sé ekki vitnað til höfundar lagbútsins né hafi fjölskylda hennar fengið greiðslu fyrir notkun á hljóðbútinum. Hljóðar málshöfðunin upp á allt að því 160 milljónir króna. Þá fer Harlene fram á það að útgáfufyrirtækið, sem dreifði Slim Shady, hætti dreifingu á Guilty Conscience með hljóðbútinum, að sögn ananova.com.

2003-09-18T11:34:00.000-07:00

Mel C meiddist
Fyrrum sportkryddið Mel C var flutt á spítala eftir að hafa meiðst á hné við sjónvarpsupptökur fyrir þátt á BBC Channel 4. Mel var í glímu við Ungfrú Heim, Azra Akin, í mesta gríni þegar hún féll á gólfið og lenti illa.
Hún öskraði af sársauka og sérfræðingar litu strax á meiðsl hennar. Mel er því úr leik í þættinum, sem snýst um að láta frægt fólk keppa í alls kyns íþróttaviðburðum. Fyrir slysið var hún í þriðja sæti. Sjónvarpskonan og fyrirsætan Gail Porter hafði sagt sig úr keppni daginn áður.
Mel sleit þrenn liðbönd í hné og var flutt á spítala. Hún hafði æft sig í rúma tvo mánuði fyrir tökur þáttarins og var staðráðin í því að standa sig.

2003-09-17T14:47:00.000-07:00

Kveikti í brúðarkjólnum til að losna við púka kulnaðrar ástar
Hermt er að söng- og leikkonan Jennifer Lopez hafi framið sérstæðar særingar sem fólust í því að hún kveikti í brúðarkjólnum sínum. Sagt er að JoLo hafi verið svo í mun að losa sig við púka hinnar kulnuðu ástar hennar og fyrrum unnusta hennar Bens Afflecks að hún hafi borið eld að Vera Wang-brúðarkjólnum sínum, sem kostaði litla 25.000 dali eða tæpar tvær milljónir króna, í einkennilegri athöfn sértrúarsöfnuðar sem notar skepnur í fórnir, að því er kemur fram í frétt breska dagblaðsins Daily Star af málinu.
Lopez mun hafa verið svo hrædd um að ástarlíf sitt væri dauðadæmt og að bölvun hvíldi á sér að hún framdi hin dramatíska gjörning samkvæmt ráðleggingum Merle Gonzalez, Ju-Ju miðils og „guðmóður“ hennar, sem er í karabíska Santeria-söfnuðinum sem fremur ýmiss konar særingar s.s. að fórna dýrum, kyrja og fara í trans.
Vinur Lopez sagði í samtali við The Star: „Jennifer er mjög hjátrúarfull. Hún vildi losa sig við allt það sem tengdist þessu dauðadæmda brúðkaupi. Hún lét eyðileggja kjólinn í helgisið sem átti að hreinsa áru hennar og lyfta burt svörtu skýi sem hékk yfir höfði hennar.“
Eftir brennsluathöfnina ku Lopez hafa sagt við þennan vin sinn: „Mér finnst eins og einhver hafi lagt á mig bölvun. Síðustu mánuðir hafa verið myrkir - ég þarf að byrja upp á nýtt og það að losa mig við þennan kjól var fyrsta skrefið.“

2003-09-17T07:33:00.000-07:00

Britney í slagtogi við Madonnu
Söngkonan Britney Spears hyggst syngja lag á væntanlegri breiðskífu sinni með Madonnu, en myndband við lagið, sem nefnist „Me Against the Music", verður sýnt á MTV-sjónvarpsstöðinni þann 13. október. Það er fyrsta smáskífan á væntanlegri breiðskífu. Framkoma þeirra á MTV-tónlistarhátíðinni fyrir nokkrum vikum vakti athygli, en fjölmiðlar hafa gert sér mat úr kossi þeirra á sviðinu. Fjórða breiðskífa Britney verður nefnd „Get In The Zone", en hún er væntanleg 17. nóvember. Þar koma við sögu P. Diddy, R. Kelly og Moby. 13 lög verða á breiðskífunni, en sjö þeirra eru unnin í samvinnu við Britney. Þá ætlar Britney að fara í tónleikaferð um Bandaríkin á næsta ári.

2003-09-15T14:29:00.000-07:00

Birgitta á Hanni hætt saman
Birgitta Haukdal og Jóhann Bachmann trommari Írafárs eru víst hætt saman. Birgitta sagði frá þessu á Stöð 2 í gærkvöldi. Þau hættu saman í sumar og hafa leynt þjóðinni þessum tíðindum um tíma en þess ber að geta að Írafár mun engu að síður leika saman áfram í óbreyttri mynd. Ný plata með sveitinni er væntanleg innan tíðar og bíða margir aðdáendur þeirra með óþreyju eftir að heyra nýja tóna með sveitinni.

Romeo Beckham fékk skurð á höfuðið
Yngri sonur enska knattspyrnumannsins Davids Beckhams var fluttur á sjúkrahús í Madríd í gær eftir að hann datt í lyftu og fékk skurð á höfuðið. Sauma þurfti tvö spor í enni hans en mikið blæddi úr sárinu. Breska blaðið The Sun hefur eftir ættingja drengsins að Romeo sé nýlega farinn að ganga og sé því óstyrkur á fótunum. Beckham og Victoria kona hans flýttu sér á sjúkrahúsið þegar þau heyrðu af slysinu en drengurinn var með ömmu sinni þegar það gerðist. Beckham leikur fyrsta leikinn með Real Madrid í Meistaradeild Evrópu á Bernabeu-leikvanginin í Madríd síðar í dag gegn franska liðinu Olympique Marseille.

Sheen og Richards eiga von á barni
Leikaraparið Charlie Sheen og Denise Richards eiga von á barni næsta vor. Sheen á 18 ára stúlku frá fyrsta hjónabandi sínu, en hann giftist Richards í júní 2002. Þau leika saman í Scary Movie 3, sem frumsýnd verður í Bandaríkjunum í október.
Sheen, sem er 38 ára, og Richards, sem er 32 ára, kynntust við tökur á kvikmyndinni Good Advice árið 2000. Í framhaldi léku þau saman í þáttunum Spin City.

2003-09-15T10:54:00.000-07:00

Verndar dótturina
Madonna segir í viðtali við tímaritið Times að það sé henni kappsmál að vernda dóttur sína frá þeirri glyðruímynd sem hún hefur stundum haft í poppheiminum. Viðtalið birtist stuttu eftir að Madonna fór í sleik uppi á sviði við þær Britney Spears og Christinu Aguilera á verðlaunahátíð nú á dögunum. Madonna segist leggja mikið á sig til að Lourdes, sem er sjö ára, sjái ekki slíkt efni með móður sinni fyrr en hún er orðin mun eldri. "Ég útskýri þá fyrir henni að þetta sé sýning og að þarna sé ég leikkona í hlutverki." Madonna viðurkennir að hún sé búin að róast mikið frá því hún tók út sitt villtasta skeið en hún sér ekki eftir neinu. Viðtalið var tekið í tilefni af útkomu fyrstu barnabókar Madonnu en bókin kemur í verslanir í yfir 30 löndum í dag.

2003-09-15T06:26:00.000-07:00

Lopez og Affleck sögð hætt saman
Svo virðist sem kvikmyndaleikararnir Ben Affleck og Jennifer Lopez séu skilin að skiptum eftir að áform þeirra um að gifta sig um síðustu helgi fóru út um þúfur. Fullyrt er að þau hafi eytt helginni sitt í hvoru lagi, Lopez hafi verið í húsi sínu á Miami í Flórída en Affleck hafi á föstudagskvöld verið í Hustler spilavítinu í Los Angeles og sést yfirgefa staðinn snemma á laugardagsmorgun í fylgd dökkhærðar konu og á laugardag hafi Affleck verið í Las Vegas.
Breska blaðið The Sun hefur eftir heimildarmanni að allt sé búið á milli þeirra Lopez og Affleck. Haft er eftir vinum Afflecks að hann hafi hringt í þá í síðustu viku og sagt þeim að þau Lopez væru hætt saman. Um helgina hefur verið orðrómur um að Affleck hafi fengið bakþanka og sagt vinum sínum að ef hann giftist Lopez yrðu það mestu mistök sem hann hefði gert. Fjölmiðlar hafa einnig eftir heimildarmönnum að Lopez hafi fengið efasemdir um sambandið við Affleck og talið ljóst að hann væri ekki tilbúinn að hætta glaumgosalífi sínu. Tímaritið People segir að það hafi í raun verið Chris, móðir Afflecks, sem reið baggamuninn. Hún hafi spurt son sinn hvort hann gæti í alvöru séð fyrir sér að þau Lopez stofnuðu fjölskyldu.

2003-09-10T13:12:00.000-07:00

Tímaritið People hefur gefið fræga fólkinu einkunn fyrir klæðaburð árið 2003. Þær stjörnur sem þykja hvað best klæddar um þessar mundir eru Kate Hudson, Nicole Kidman, Salma Hayek, Renee Zellweger, Cameron Diaz og Halle Berry. En hverjar eru þá verst klæddar? Jú, Britney Spears, Tara Reid og Lara Flynn Boyle voru fremstar í flokki þeirra. Jennifer Aniston er sett í flokk með Hudson, Kidman og Berry en Jennifer Lopez, Eve og Kelly Osbourne er lýst sem kamelljónum sem myndu aldrei láta sér detta í hug að láta útlit sitt verða gamaldags. Rosario Dawson, Mariah Carey og Courtney Love fengu XXX í einkunn fyrir þær fáu flíkur sem þær klæðast hverju sinni. Winona Ryder, Da Brat og Cynthia Nixon voru settar í sér flokk fyrir afar efnisrýra toppa.

2003-09-04T13:54:00.000-07:00

Bandaríski rappsöngvarinn Eminem ætlar að gefa aðdáendum sínum tækifæri á að fylgjast með því þegar hann tekur upp næstu breiðskífu í Detroit. Aðdáendur þurfa að kaupa breiðskífu með Obie Trice til þess að eiga kost á að fylgjast með upptökunum. Þrjú eintök af fyrstu fimm hundruð þúsund eintökum breiðskífunnar innihalda vinningsmiða, sem gerir heppnum aðdáendum mögulegt að halda til Detroit. Obie Trice gerði samning við Shady Records eftir að Eminem heyrði í honum rappa en Obie þessi hefur komið fram á nokkrum breiðskífum Eminems til þessa.

Breska tímaritið Prima hefur valið söngkonuna Christina Aguilera verst klæddu konuna en söngkonan og fyrrverandi Kryddpían Victoria Beckham var valin sú best klædda. Aguilera þykir ekki fara troðnar slóðir í klæðaburði og hefur klæðnaður hennar í tónlistarmyndböndum einkum vakið athygli og jafnvel hneykslun. Stalla hennar, Britney Spears, hreppti annað sætið á lista Prima yfir verst klæddu konurnar og Madonna var í 3. sæti. Breska sýningarstúlkan Jordan var í 5. sæti og Cherie Blair, eiginkona Tonys Blairs forsætisráðherra Bretlands, var í 5. sæti. Þetta var í 9. skiptið sem tímaritið velur best og verst klæddu konurnar en gerð var könnun meðal um þúsund lesenda blaðsins.

2003-09-03T07:35:00.000-07:00

Bandaríska kvikmyndastjarnan Cameron Diaz nefbrotnaði þegar hún var að leika sér á brimbretti við Waikikiströnd á Hawaii nýlega ásamt Chimene systur sinni en Diaz var að halda upp á 31 árs afmæli sitt. Maður, sem var á brimbretti í nágrenni við Diaz missti stjórn á brettinu og rakst á leikkonuna með þeim afleiðingum að brettið lenti á andliti hennar. Diaz gerir lítið úr atvikinu og segir að sér líði vel. „Mér finnst verst að geta ekki farið aftur á brimbretti," er haft eftir henni. Hún er nú með tvo litla plástra á nefinu.

Svo gæti farið að Justin Timberlake tæki lagið með gömlu sítt-að-aftan goðunum í Duran Duran. Birmingham-sveitin kom nýverið öll saman í fyrsta sinn í 18 ár á MTV verðlaunahátíðinni um daginn. Þar var sveitin heiðruð fyrir framlag til tónlistarinnar og lentu þeir á spjalli, Simon Le Bon söngvari Duran Duran, og Timberlake. Vel fór á með þeim og segir Le Bon að Timberlake hafi þá lýst yfir áhuga sínum á að vinna með Duran Duran.

2003-09-02T09:38:00.000-07:00

Bað afsökunnar á byrtingu myndarinnar
Bandaríska dagblaðið, Atlanta Journal-Constitution, hefur beðið lesendur sína afsökunar á myndbirtingu frá MTV-tónlistarhátíðinni, þar sem Britney Spears og Madonna kysstust með opinn munninn, en ljósmyndin var á forsíðu dagblaðsins. Fjölmargir lesendur blaðsins kvörtuðu yfir myndbirtingunni, sem var á stærð við frímerki í föstudagsútgáfu þess.
Hank Klibanoff, ritstjóri blaðsins, bað lesendur afsökunar í mánudagsútgáfunni, sagði að myndin hefði átt að vera á innsíðum en ekki á forsíðu. Hann bar myndina af Madonnu og Spears saman við sláandi ljósmyndir úr stríðinu við Írak í vetur. Munurinn væri hins vegar sá að ljósmyndir frá Írak væru fréttaefni en myndin af Madonnu og Spears væri það ekki. Ég vildi óska að umrædd mynd hefði birst á innsíðum föstudagsútgáfunnar," segir Klibanoff.

Hreinasta parið í Hollywood
Samband kvikmyndastjörnunnar Cameron Diaz og tónlistarmannsins Justin Timberlakes vekur að vonum mikla athygli í Hollywood og víðar. Nú hafa sérfræðingar komist að því að þau Diaz og Timberlake séu að öllum líkindum hreinasta parið í Hollywood en þau eru svo upptekin af hreinlæti að undrum sætir. Að því er fram kemur í sænska blaðinu Expressen skiptir Timberlake um nærbuxur sex sinnum á dag og fer fjórum sinnum á dag í bað en Dias þvær sér með sótthreinsiefni ef hún tekur í höndina á öðrum. Tekið er fram að nærbuxurnar, sem Timberlake fer úr, eru ekki þvegnar heldur er þeim hent í ruslið. Þá er fullyrt að Diaz opni dyr með olnbogunum til að forðast sýkla og einnig krefjast þau Timberlake þess að hótelherbergi, sem þau dvelja í, séu sótthreinsuð áður en þau fást til að stíga þar inn fæti.

Breski rokksöngvarinn Ozzy Osbourne hefur frestað tónleikaför til heimalandsins eftir að hann fótbrotnaði á Ozzyfest í Bandaríkjunum. Ozzy, sem er fyrrum söngvari Black Sabbath, hugðist halda tónleika í Wembley Arena og í Birmingham í þessari viku. Þess í stað verða tónleikarnir haldnir í október og nóvember, en þá verða einnig haldnir tónleikar í Glasgow, Newcastle og Dyflinni. Ozzy hefur ekki haldið tónleika í Bretlandi í átta ár, en hann segist ætla að vera í hörku formi þegar hann stígur á svið þar í landi.

Bandaríska söng- og leikkonan Madonna er í miklu uppáhaldi hjá þeim sem skemmta sér við að setja saman lista yfir það versta í kvikmyndum. Hún hefur safnað að sér hindberjaverðlaunum, sem árlega eru veitt í Bandaríkjunum fyrir verstu frammistöðu í kvikmyndum og nú hefur breska kvikmyndablaðið Empire valið ástarsenu hennar og Williams Dafoe, í myndinni Body of Evidence verstu ástarsena í kvikmynd. Í senunni er Dafoe bundinn fastur við rúm en Madonna lætur heitt kertavax leka á hann.

2003-08-29T12:36:00.000-07:00

Myndbandahátíð MTV sjónvarpsstöðvarinnar fór fram í New York í Bandaríkjunum í 20. skipti í gærkvöldi. Það sem kom kannski skemmtilegast á óvart var opnunaratriði hátíðarinnar, þar komu fram söngkonurnar Britney Spears, Christina Aguilera og Madonna. Söngkonurnar Britney og Madonna kystust blautum kossi í atriðinu, en þær þrjár sungu lagið “Like A Virgin”. Sama lagið og Madonna söng á MTV-hátíðinni fyrir 19 árum síðan. Söngkonan Missy Elliot vann ein helstu verðlaun hátíðarinnar. Elliot hlaut verðlaun fyrir myndband ársins fyrir lagið “Work it”. Þá fékk hún verðlaun fyrir besta Hip Hop myndbandið, en Elliot var tilefnd til átta verðlauna.
Þá unnu Justin Timberlake, Beyonce Knowles og breska hljómsveitin Coldplay til verðlauna, en hver um sig hlaut þrenn verðlaun. Timberlake fékk verðlaun fyrir besta poppmyndbandið, besta dansmyndbandið og besta myndbandið í flokki karlsöngvara. Coldplay fékk verðlaun fyrir “The Scientist” í flokki laga sem slógu í gegn, besta myndband með hljómsveit og bestu leikstjórn í flokki myndbanda. Beyonce vann verðlaun fyrir besta kvenmyndbandið, besta RnB-myndbandið og fyrir bestu sporin í “Crazy In Love”. Í flokki nýliða hlaut 50 Cent verðlaun fyrir lagið “In Da Club”. Kántrý söngvarinn Johnny Cash, sem er 71 árs, var tilnefndur í átta flokkum og hlaut verðlaun í flokki kvikmyndagerðar fyrir myndbandið “Hurt”. Hann gat ekki tekið við verðlaununum vegna sjúkrahúsvistar.

2003-08-28T06:53:00.000-07:00

Justin afbrýðisamur
Justin Timberlake er sagður hafa bannað kærustu sinni, Cameron Diaz, að vafra um vefinn en hún er víst mikill internetfíkill og notar tölvuna til að versla allt inn og hanga á spjalli við vini sína. Justin er hinsvegar á tónleikaferð með Christina Aguilera og mjög afbrýðisamur vegna áhugamáls Diaz.

2003-08-27T14:32:00.000-07:00

Sjóræningjarnir eru búnir að gera uppreisn og hafa hertekið toppsæti listans yfir vinsælustu kvikmyndir landsins síðustu helgi. Sjóræningjar Karíbahafsins: Bölvun Svörtu perlunnar (Pirates of the Caribbean: The Curse of the Black Pearl) situr nú í efsta sætinu eftir að hafa vermt annað sætið síðustu tvær vikur.
"Sjóræningjar Karíbahafsins er nú þegar orðin næststærsta mynd sumarsins á eftir Matrix endurhlöðnu og á greinilega nóg púður eftir. Eins og í Bandaríkjunum heldur hún sér hreint ótrúlega vel og til að undirstrika það, þá er hún á toppnum í dag á Íslandi, þrátt fyrir að hafa komið út fyrir heilum þremur vikum," segir Róbert Wesley hjá Sambíóunum."Fjölskyldufólk sækir mikið í myndina þar sem að hún virðist henta öllum aldurshópum og hefur spurst mjög vel út," segir hann.

BEN Affleck hefur sjálfur komið af stað orðrómi um að hann og Jennifer Lopez hafi gift sig í kyrrþey. Á hafnaboltaleik í heimabæ sínum Boston skartaði hann forláta gullhring á baugfingri. En seinna þann dag var hringurinn horfinn, sem gefur frekar til kynna að hann sé einfaldlega að spila með blaðasnápa. Í síðustu viku var það gert kunnugt að þau Lopez ætluðu að gifta sig á Hawaii í september og herma fregnir að Casey bróðir Bens verði svaramaður... Britney Spears er hætt við að koma fram á MTV-myndbandahátíðinni með Madonnu og Jennifer Lopez. Áformað var að hún myndi taka nýja útgáfu af lagi Madonnu, "Like A Virgin" ásamt fyrrnefndum söngkonum á hátíðinni sem fram fer á morgun, en hún hefur hætt við allt saman og ætlar þess í stað að koma ein fram. Britney hætti við eftir að hafa frétt að Jennifer væri líka að hugsa um að hætta við. Þá leit hún svo á að betra væri ef Madonna tæki gamla slagarann ein...Spice Girls eru alvarlega að íhuga að koma saman aftur og fara í tónleikaferð. Stöllurnar fimm komu allar saman í fyrsta sinn í lengri tíma í matarboði og fór vel á með þeim. Svo vel að þær eru ekki lengur afhuga því að taka upp þráðinn þar sem frá var horfið. Hugmyndin að endurkomunni á að hafa komið frá Snobb-kryddinu Victoriu Beckham, en það var hún sem stóð fyrir matarboðinu sem haldið var í Beckingham-höll þeirra Beckham-hjóna. Sólóferill þeirra hefur alls ekki gengið sem skyldi og vilja fróðir menn í tónlistarbransanum meina að þær séu nú hrifnari af hugmyndinni um að vinna saman á ný, til þess eins að koma ferlinum á rétt ról - og græða peninga, en eitthvað ku launaumslög þeirra hafa verið létt síðustu misseri. Geri Halliwell, sem var sú fyrsta til að hætta á sínum tíma, er þó ekkert alltof hrifin af hugmyndinni og er óvíst að hún fallist á að vera með. Hún er flutt til Bandaríkjanna þar sem hún ætlar að reyna fyrir sér sem sjónvarpsstjarna.

2003-08-25T04:35:00.000-07:00

Frjálslegt hugarfar til kynlífs
Fyrrum eiginkona Eminem, Kim, á að hafa átt það til að bíða eftir honum með vinkonu sinni upp í rúmi þegar hann var á leið úr vinnu sinni. Það mun hafa verið frjálslegt hugarfar hennar til kynlífs sem á að hafa verið þess valdandi að parið hefur ítrekað hætt og byrjað saman frá því að þau kynntust í Detroit. Þetta kemur fram í nýrri heimildamynd sem BBC One lét gera um rapparann. Í dag berst Eminem fyrir því að fá forræði yfir dóttur þeirra, Haily, eftir að Kim var handtekinn fyrir að eiga kókaín.

Hvað er að gerast með Britney?
Það virðist ekki allt vera að ganga upp hjá Brittney Spears þessa dagana. Hún viðurkenndi að hafa notað eiturlyf í viðtali við tímaritið American Star fyrir fjórum mánuðum síðan. Hún fór í mál við tímaritið fyrir að hafa logið upp á sig í greininni, en daginn eftir staðfesti upplýsingafulltrúi hennar að þetta væri allt satt ? hann var síðan rekin. Britney segist líka drekka mikið og það besta sem hún fær er Malibu í ananas safa. Fyrir nokkru hélt hún partý þar sem inntöku skilyrðið var gataðar geirvörtur. Hún viðurkennir ekki að hafa haldið framhjá Justin Timberlake en hann gefur það mjög mikið í skyn í Cry me a River myndbandinu. Hún viðurkenndi að hafa verið með Colin Farrell en hinsvegar ekki að hafa verið með Fred Durst. Annars er Brittney í fýlu út í Justin þessa dagana út af dúett sem að þau ætluðu að taka upp saman, lagið átti að vera bónus lag á nýja disknum hennar , en Justin hefur ekki tíma í að eyða í svona hluti, hann er á kafi í tónleika haldi og svo á hann líka nýja kærustu. En það sem er að fara fyrir brjóstið á fólki þessa dagana er ( fyrir utan ?80 hommagallann sem hún fékk hjá Freddy Mercury ) er að hún er skotin í Tom Hanks! What's up with that?

2003-08-24T15:47:00.000-07:00

Britney Spears hefnir sín.
Nú berast fréttir af fullkominni hefnd úr stjörnuheiminum. Til söngkonunnar Britney Spears sást á dögunum þar sem hún leiddi fyrrum kærasta Cameron Diaz Jared Leto. Mynd af parinu náðist það sem þau voru á leið frá veitingastaðnum Dolce í Los Angeles, og þrátt fyrir að þau hafi ekið burtu hvort í sínum bílnum hittust þau aftur í afmælisveislu Ben Affleck síðar um kvöldið.Haft er eftir vinum Britney að söngkonan sé orðinn viti sínu fjær af reiði vegna sambands Justin Timberlake, fyrrum unnusta hennar og Cameron Diaz. Jared virðist þess vegna vera góð öxl til að gráta upp við. Slúðurberar í henni Hollywood segja að þó að Britney og Jared hafi þekkst lengi sé eina ástæðan fyrir því að Britney beri víurnar í hann að reyna að kalla fram sömu tilfinningar hjá Cameron og hún sjálf hefur þurft að glíma við.

Það er komin dagsetning
Gott fólk takið upp dagbækurnar ykkar, vegna þess að Ben Affleck og Jennifer Lopez ætla að gifta sig 13.september. Hjónaleysin hafa lengi reynt að halda fyrirhugaðri dagsetningu leyndri en nú hefur slúðurblöðunum tekist að hafa uppi á dagsetningunni. Hvar brúðkaupið verður liggur hins vegar enn á Huldu, en einhverjir getspakir menn hafa giskað á að herlegheitin verði á Kauai eyjunni á Hawaii. Vera Wang er að leggja lokahöndina á brúðarkjól J´Lo sem á víst að verða með því flottasta sem menn hafa séð og Ben Affleck og svaramaðurinn bróðir hans Casey verða báðir í sérhönnuðum smóking fötum frá einhverjum virtum hönnuði. Þetta brúðkaup telja margir að verði það stærsta í stjörnubransanum í langan tíma og talið er að gríðarlegt magn af kvikmynda og tónlistarstjörnum verði á meðal gesta.

2003-08-20T15:31:00.000-07:00

Stjörnuparið Cameron Diaz og Justin Timberlake ætla að gifta sig innan árs. Hin eggjandi súperstjarna hefur verið að suða í kærastanum sínum Justin að giftast sér sem allra fyrst . Ef ekkert verður af því munu þau tvö einungis vera vinir til frambúðar eru skilaboðin fra Cameron. Timberlake hefur sagt opinberlega um brúðkaupsáform parsins: Ég veit ekki hvernig mér á eftir að líða eftir eitt ár en ef mér líður jafn vel nú og eftir ár þá eigum við eftir að vera saman til dauðadags.

2003-08-20T08:52:00.000-07:00

Fínt að vera drusla. Christina Aguilera sagði í viðtali um daginn að henni þætti bara fínt að fólk segði að hún væri drusla. Hún sagði þetta í viðtali við þýska tímaritið Amica: "I am a successful, 22-year-old woman. If people want to insult me, let them. Call me a slag, if being a slag means being a strong woman. I'll gladly be that." Hvernig hún fær tenginu á milli þess að vera algjör sori og sterk kona skil ég ekki. Christina segist ekkert skilja í því afhverju fólk var hneykslað á myndbandinu hennar Dirrty.

2003-08-15T12:01:00.000-07:00

Fyrrum fína kryddið, Victoria Beckham, eyðir aðeins um 2.500 krónum í klippingu. Þrátt fyrir að vera milljónamæringur fer Victoria alltaf á hárgreiðslustofuna The Box, nærri þar sem hún býr í Hertford-skíri, en hús hennar er oft kallað Beckinghamhöll.
"Hún hefur komið hingað um tíma núna. Hún kemur oft þegar hún er í bænum og fær klippingu og blástur. Hún þarf samt ekki að vera í salnum heldur setjum við hana í herbergi fyrir innan svo hún fái smá frið," segir starfsmaður hárgreiðslustofunnar. Venjulega klippir gömul bekkjarsystir hennar Gill, hana en Victoria er vinsæl á stofunni."Hún er alveg yndisleg og kann alltaf mikið af slúðri," segir starfsmaðurinn. Vinir Victoriu halda því fram að hún eigi ekki eftir að vera ánægð með að það hafi frést að hún fari í ódýra klippingu. Einn þeirra sagði við tímaritið Heat: "Henni á eftir að finnast þetta vandræðalegt. Hún vill vera flott en ekki í ódýra kantinum.".

Söng- og leikkonan Jennifer Lopez hefur kæft orðróminn um að hún hafi bundið enda á trúlofun sína og leikarans Bens Afflecks með því að skipa svo fyrir að brúðarkjóllinn hennar verði tilbúinn fyrir lok mánaðarins.
Lopez er búin að biðja Veru Wang um að vera með kjólinn tilbúinn fyrir 24. ágúst, að því er vinur hönnuðarins upplýsti. "Hún vill að kjóllinn verði tilbúinn í snatri. Hún er einnig búin að biðja Veru um að hjálpa til við að velja föt á Ben fyrir brúðkaupið," sagði vinurinn...Annað par í Hollywood virðist vera búið að fallast í faðma á ný því Sandra Bullock er aftur tekin saman við Matthew McConaughey. Eyddu þau saman nótti nýlega í húsi Matthews í Beverly Hills. "Það kemur mér ekki á óvart að sjá þau aftur saman því þau hafa alltaf verið ástfangin. Það var áfall þegar sambandið fór út um þúfur og allir eru hæstánægðir með að þau séu búin að ná saman á ný," sagði vinur parsins.

Ozzy Osbourne grátbiður Kelly dóttur sína að hætta ekki í poppinu, en hún lýsti því yfir að hún vildi hætta því henni gengi svo illa.
Kelly er búin að aflýsa tónleikaferðalagi um Evrópu því miðasala gengur illa. Á tónleikum hennar í Edinborg á þriðjudagskvöldið seldust aðeins 250 miðar af 3.000.Kelly varð einnig fyrir vonbrigðum þegar hún hitaði upp fyrir Robbie Williams í Knebworth, en hún gleymdi lagatexta á sviðinu og gerðu illir áhorfendur hróp að henni.Ozzy vill endilega að dóttir hans spili með honum á tónleikum og hefur hvatt Kelly til að reyna aftur."Ozzy sýnir Kelly mikinn stuðning og hefur sagt henni að þetta sé bara tímabundið og hún eigi ekki að hætta. Hann vill að hún taki sér smáfrí en komi svo og hiti upp fyrir hann þegar hann fer í næsta tónleikaferðalag," sagði vinur þeirra.

2003-08-13T15:48:00.000-07:00

Á næstu mánuðum á að fara að gera bíómynd um ævi Ozzy Osbourne, en eins og flestir vita hefur hann líf hans verið hálfgert rugl. En það var enginn annar en Johnny Depp sem var boðið að leika Ozzy í myndinni. Depp þykir einn kynþokkafyllsti leikari í Hollywood og segist hann vera fullur áhuga að skyggnast inn í óhuggnalega fortíð Ozzy, en hann var eins og margir menn muna söngvari í Black Sabbath.
Mr. Depp fær nú sjálffsagt einhverja samkeppni í hlutverkið því nýliðinn Colin Farell sem lék svo listavel í Phonebooth hefur einnig mikinn áhuga á þessu hlutverki því hann segist hafa gaman af drykkju, og að blóta alveg eins og Ozzy

Kvikmyndastjarnan Nicole Kidman og rokktónlistarmaðurinn Lenny Kravitz ætla að fara í rómantíska siglingu við Suður-Frakkland. Orðrómur hefur verið undanfarnar vikur um að þau Kidman og Kravitz eigi í ástarsambandi og nú herma fregnir að þau hafi gefist upp á að afneita hvort öðru opinberlega og ætli að opinbera samband sitt með þessum hætti. Um leið og Kidman lýkur við að leika í endurgerð af myndinni The Stepford Wives ætla þau Kravitz að bregða sér í siglingu á lúxussnekkju. Blaðið Sunday Mirror hefur eftir vini þeirra að þau ætli sér að gera samband sitt opinbert fyrr en síðar.

2003-08-06T12:05:00.000-07:00

Það gengur nú fjöllunum hærra í Hollywood að stjörnuparið Jennifer Lopez og Ben Affleck hafi slitið trúlofun sinni í kjölfar frétta af því að Affleck hafi nýlega sleppt fram af sér beislinu með nektardansmey á næturklúbbi í Vancouver. Lopez brást reyndar vel við fréttum af framferði unnustans er systir hennar Lynda, sem vinnur á útvartsstöð, hringdi í hana í beinni útsendinu sl. fimmtudag og bar þær undir hana, en síðan er hún aldeilis sögð hafa skipt um skoðun og nú gengur hún víst ekki lengur með trúlofunarhringinn góða sem Ben gaf henni í fyrra.

Bandaríska leikkonan Cameron Diaz vann í gær áfangasigur í baráttu sinni fyrir því að myndir sem teknar voru af henni fyrir tæpum áratug komi ekki fyrir almenningssjónir. Myndirnar voru teknar af Diaz þegar hún starfaði sem fyrirsæta og er leikkonan fáklædd á þeim. Hefur dómari í Kalíforníu úrskurðað að myndirnar verði ekki birtar meðan á málaferlum vegna þeirra stendur.
Diaz, sem er þrítug, höfðaði mál í síðasta mánuði til að koma í veg fyrir að John Rutter ljósmyndari, sem tók myndirnar, gæti selt þær til fjölmiðla. Hélt Diaz því fram að undirskrift sín hefði verið fölsuð á skjal þar sem Ritter er heimilað að selja myndirnar segir í frétt á mbl.is.

2003-08-05T06:25:00.000-07:00

Lesendur breska tímaritsins Company hafa kosið bandaríska söngvarann Justin Timberlake kynþokkafyllsta karlmann í heimi og skákar Timberlake m.a. enska knattspyrnumanninum David Beckham sem hreppti þennan eftirsótta titil á síðasta ári. Beckham varð að gera sér annað sætið að góðu nú. Leikarinn Brad Pitt er í þriðja sæti og Duncan James, söngvari Blue, er fjórði, á undan söngvaranum Robbie Williams, sem er fimmti.
Írski leikarinn Colin Farrell stekkur beint í 6. sætið á listanum en hann hefur verið mjög í sviðsljósinu á síðustu mánuðum vegna kvikmynda sem hann hefur leikið í, kvennamála og ýmislegs sem komist hefur í fjölmiðla.
Lesendur blaðsins kusu einnig þá sem þeim þótti hafa minnstan kynþokka og þar trónaði bandaríski tónlistarmaðurinn Michael Jackson á toppnum.

Listi Company yfir 20 kynþokkafyllstu karlmennina er eftirfarandi:

Justin Timberlake.
David Beckham.
Brad Pitt.
Duncan James.
Robbie Williams.
Colin Farrell.
Josh Hartnett.
Ben Affleck.
Jude Law.
Hugh Grant.
Keanu Reeves.
Eminem.
George Clooney.
Dermot O'Leary.
Orlando Bloom.
Tom Cruise.
Shane Ritchie.
Vin Diesel.
Michael Owen.
Darius Danesh.

Listinn yfir þá tíu sem hafa minnstan kynþokka, að mati lesenda Company, er eftirfarandi:

Michael Jackson.
Russell Crowe.
Chris Evans.
Liam Gallagher.
Ozzy Osbourne.
Peter Stringfellow.
Robbie Williams.
Tony Blair.
Marilyn Manson.
Gareth Gates.

2003-08-01T14:40:00.000-07:00

Rapparinn Eminem ætlar að ljá hrekkjabrúðunum (Crank Yankers í samnefndum sjónvarpsþáttunum) rödd sína í væntanlegum þætti. Þættirnir ganga út á það að brúður hringja í saklausa borgara og gera í þeim at en þeir hafa einmitt verið sýndir á Popp Tíví við góðar undirtektir. Eminem ku einmitt vera mikill aðdáandi þáttanna og horfir alltaf á Popp tíví í sérstakri gervihnattaútsendingu frá íslandi.

2003-07-31T14:55:00.000-07:00

Hljómsveitin Írafár og Icelandair, dótturfélag Flugleiða, undirrituðu í gær samstarfssamning þess efnis að Icelandair aðstoði sveitina í undirbúningi og upptökum á næstu plötu sveitarinnar. Ætlunin er að taka hana upp í Orlando á Florida núna í ágúst og mun sveitin halda til Orlando strax að lokinni verslunarmannahelgi. Haft er eftir Birgittu Haukdal söngkonu Írafárs að hljómsveitin sé ekki að fara út í heim til að reyna að „meika það." „Þetta er íslensk plata á íslensku fyrir Íslendinga. Eina ástæðan fyrir því að við viljum gera þetta í útlöndum er að fá ró og næði til að geta einbeitt okkur að verkefninu," segir hún.

2003-07-28T05:51:00.000-07:00

Samkvæmt könnun sem bandaríska útvarpstöðin KIIS FM í Los Angeles lét gera nýlega, þykir Eminem vera trúverðugri maður en forsetinn, George W. Bush. Spurningar voru lagðar fyrir rúmlega 1000 manns og þótti 53% aðspurðra meira spunnið í texta Eminems en ræður Bush, hvað sannleiksgildi varðar. Hvort þetta fái Emma litla til þess að íhuga forsetaframboð skal látið ósagt en þetta ætti allavega að benda George Bush á að sparar sér ómakið í næstu forseta kosningum. :)

2003-07-28T05:48:00.000-07:00

Umboðsmaður Ozzy Osbourne, Bobby Thomson, fannst látinn á hótelherbergi sínu í Detroit í Bandaríkjunum um helgina. Talið er að hann hafi látist í svefni. Thomson, sem var fimmtugur, sá um og skipulagði tónleikaferðir Ossy Osbourne.

2003-07-25T13:09:00.000-07:00

Söng- og leikkonan Jennifer Lopez hefur vísað á bug fullyrðingum unnusta síns Bens Afflecks um að þau hyggist ganga í hjónband á eyjunni Kauai á Hawaii þann 5. október. Leikarinn hélt því fram í viðtali við þýska dagblaðið Bild að þau hafi ákveðið að hanga í hjónaband 5. október og sagði jafnframt að þau ætluðu að sleppa 500 dúfum að athöfininni lokinni. Lopez heldur því hins vegar fram að að Affleck hafi sagt þetta í gríni. Þau hafi ákveðið að ganga í hjónaband annan dag en að sú dagsetning verði ekki gefin upp.

2003-07-23T14:53:00.000-07:00

Victoria Beckham hefur hreppt fyrsta hlutverk sitt í kvikmynd, þó háð því skilyrði að hún læri fyrst að leika. Sólóferill Viktoríu sem söngkona hefur ekki gengið sem skyldi en hún hefur ítrekað reynt að komast að í Hollywood og nú loksins haft árangur sem erfiði en hún hefur um nokkurt skeið lifað í skugga eiginmanns síns Davids Beckhams. Myndin sem Viktoría er að ganga frá samningum um að leika í er endurgerð á Mel Brooks-myndinni The Producers. Framleiðendur myndarinnar eiga þó að meina að útlit og frægð Viktoríu dugi ekki fyrir hlutverkið heldur þurfi hún að læra leiklist. Hún hefur því hafið nám hjá einkakennara og vonast til að ná þannig Hollywood-stöðlum.

2003-07-23T13:41:00.000-07:00

Justin Timberlake og Cameron Diaz, sem ávarpa núorðið hvort annað sem "JT" og "CD". Lynn, móðir Justins, er víst heilluð af nyju tengdadótturinni og hefur fengið staðfest af spákonu sinni að brúðkaup sé innan seilingar. En spákona sú á víst að hafa séð fyrir sambandsslit Justins og Britney Spears...

2003-07-23T13:05:00.000-07:00

Mel B, fyrrum Kryddpía, er sögð hafa fundið sér nyjan kærasta. Sá heitir Jason Steele og er fyrrum einkaþjálfari Díönu heitinnar prinsessu. Engar fregnir eru um að þau ætli að búa saman en einhverjir neistar eru þó farnir að fljúga og er gosinn Jason víst að aðstoða Melanie við að finna sér snotra íbúð í Lundúnum.

2003-07-22T16:26:00.000-07:00

Framhaldsmyndin Vondu strákarnir 2 (Bad Boys 2) fór beint á toppinn á bandaríska bíólistanum. Var hún aðsóknarmesta mynd helgarinnar þrátt fyrir tilturlulega slæma dóma.

2003-07-15T13:29:00.000-07:00

Beyonce er á toppnum aðra vikuna í röð á breska smáskífulistanum en nyr listi var kynntur í gærkvöldi.Hollywood með Madonnu fór beint í annað sætið á listanum og Pink er í þriðja sætinu með lagið Feel Good Time.

2003-07-11T14:01:00.000-07:00

Nyjustu fréttir af litla viðrininu henni Kelly Osbourne eru víst þær að nú hefur stúlkan fengið hlutverk í kvikmyndinni “Live Freaky, Die Freaky” sem að verður víst hálf teiknimynd og hálf brúðumynd með allskyns rokkstjörnum í aðalhlutverki. Í myndinni koma fram meðlimir hljómsveita á borð við A Perfect Circle, Rancid, AFI, Green Day, Blink-182 og L7. Myndin er framleidd af engum öðrum en ofurpönkaranum Tim Armstrong ! Líka það að Osbourne-fjölskyldan ætlar að öllum líkindum að snúa aftur í þriðju seríu samnefndra raunveruleikaþátta frá MTV þrátt fyrir að áhorf á aðra seríuna hafi dregist saman um helming. Stefnt er að því að tökur hefjist í Kaliforníu í haust. Um 6,6 milljónir áhorfenda fylgdust með upphafi annarrar seríu en áhorfið féll fljótlega niður í þrjár milljónir. þess má geta að þrátt fyrir minna áhorf eru þáttaraðirnar vinsælasta efni MTV sjónvarpsstóðvarinnar frá upphafi.

2003-06-30T14:09:00.000-07:00

Robbie Williams hefur viðurkennt að hann sé háður þunglyndislyfjum.Í opinsáu viðtali við breska tímaritið Q sagði hann frá sjúkdómi sínum sem hann segir ættgengan. Í viðtalinu sagði söngfuglinn m.a.: "Ég held að ég sé ánægður vegna lyfjanna. það er engin sérstök ástöða fyrir þunglyndi mínu og ég held að enginn skilji þetta í raun og veru. Nylega viðurkenndi hann að nú væri áralöng eiturlyfjaneysla byrjuð að taka sinn toll. það er talið að bágborið andlegt ástand hans og ofsóknar?ði hafi eyðilagt samband hans við Rachel Hunter.

Hinn fagurlega skapaði og hæfileikaríki Justin Timberlake komst enn einu sinni í fréttirnar, og nú vegna ástamála sinna. Komið hefur í ljósað hann og íðilfagra tággranna lokkafljóðið Cameron Diaz hafa histá laun í 2 mánuði og ætla að koma fram í fyrsta skipti opinberlega í Ástarskrúðgöngunni víðfrægu í Berlín. þetta er fyrsta alvarlega samband Justins síðan hann hætti með kynbombunni Britney Spears. Diaz hætti nylega með leikaranum Jarred Leto, sem þekktur er úr "Requiem for a Dream", eftir 4 ára samband.

2003-06-26T15:21:00.000-07:00

Grínleikarinn Adam Sandler gekk í hjónabandi í fyrradag. Hans heittelskaða er tískusýningarstúlkan Jackie Titone. Brúðkaupið fór fram í Malibu í Kaliforníu að viðstöddum nánustu vinum og vandamönnum þeirra. Sandler er orðinn 37 ára og er af gyðingaættum.

Bandaríski rapparinn Eminem skemmti aðdáendum sínum um daginn með því að fara út á svalir hótels í Glasgow í Skotlandi, með hvíta grímu fyrir vitunum og sveifla brúðu út fyrir svalahandriðið. Var Eminem með þessu að gera grín að umdeildri hegðun tónlistarmannsins Michaels Jacksons í Berlín á síðasta ári þegar hann sveiflaði syni sínum á hótelsvölum þar. Eminem er að undirbúa tónleikaferð um Skotland. Hann er sagður hafa fóðrað hótelherbergi sitt með álpappír til að koma í veg fyrir að farsími hans sé hleraður. Heimildarmaður á hótelinu sagði að Eminem hefði tekið 50 herbergi á leigu fyrir fylgdarlið sitt. Það kom nokkuð á óvart að rapparinn pantaði aðeins óáfenga heilsudrykki og hollt fæði en hann er þekktur fyrir villt líferni á stundum.

2003-06-26T15:13:00.000-07:00

Jennifer Lopez heldur því fram að vaxinu sé ofaukið í vaxmynd af henni sem er í hinu víðfræga vaxmyndasafni Madame Tussaud’s í London. Söng- og leikkonan krefst þess að ríflega 5 kg af vaxi verði fjarlægð af afturenda eftirmyndarinnar. Sumum þykir víst þessar áhyggjur Jennifer af bakhlutanum gefa sögusögnum um yfirvofandi barneignir hennar og leikarans Ben Affleck, byr undir báða vængi en aðrir segja að nú sé hún bara loksins að átta sig á því hvað hún er með risastórt rassgat.

Það er sjaldan lognmolla í kringum rokköldunginn Ozzy Osbourne en hann gengst um þessar mundir undir faðernispróf sem ætlað er að ganga úr skugga um hvort hann hafi haldið framhjá konu sinni, Sharon, árið 1996. Söngvarinn gamalreyndi vísar ásökunum á bug og heldur því fram að hann hafi ekki getað stundað kynlíf í 10 ár vegna slæmrar heilsu. Hann bætti því líka við að þetta væri aðeins sjúk tilraun sníkjudýra til þess að kippa undan honum hans einu sönnu auðæfum, sem er að sjálfsögðu fjölskylda hans.

Fyrrum rótari hljómsveitarinnar Blink 182 hefur nú kært þá félaga fyrir að hafa stolið af honum nafninu á síðustu breiðskífu þeirra félaga, “Take of Your Pants and Jacket”. Rótarinn, sem heitir Larry Palm, segist hafa fundið upp á nafninu alveg einsamall og að honum hafi verið lofað greiðslu fyrir sem hann hafi aldrei fengið. Málið fór því fyrir dóm í Los Angeles fyrir helgi og munu Blink 182 drengir þurfa að sitja þar fyrir svörum á næstunni.

2003-06-19T15:43:00.000-07:00

Avril Lavigne hreppti fern Juno verðlaun sem eru tónlistarverðlaun þeirra Kanadamanna. Hún var kosin besti nýliðinn ásamt því að eiga bestu plötu síðasta árs.
Ekki slæmt fyrir stelpu sem er tæplega tvítug að aldri og kemur frá 5000 manna bæ í Kanada. Avril er alvöru tónlistarmaður, bæði spilar á hljóðfæri og semur heilmikið af tónlist. Einnig neitar hún að láta steypa sig í eitthvað ákveðið form plötuútgefanda og láta búa til eitthvað úr sér sem hún er ekki. FM-hlustendur þekkja vel til hennar enda hafa m.a. lögin Complicated og I´m With You hljómað mikið undanfarna mánuði.

Það eru þau Birgitta Haukdal og Jónsi úr hljómsveitinni Í Svörtum Fötum sem eru í aðalhlutverkunum en söngleikurinn verður frumsýndur 26.júní í Borgarleikhúsinu. Fyrsta lagið sem hljómar úr verkinu heitir Sumarnótt og byggt á gamla laginu Summer Nights. Það var Gísli Rúnar sem samdi Íslenska textan við lagið og er öll tónlistin sungin á Íslensku í söngleiknum. Sögðusviðið er framhaldsskóli í Grafarvogi árið 2003 en ekki Bandarískur framhaldsskóli á sjötta áratugnum eins og myndinni gömlu.
Meðal helstu leikenda eru auk Birgittu og Jónsa, Þórhallur Sigurðsson (Laddi), Unnur Ösp Stefánsdóttir, Tinna Hrafnsdóttir, Brynja Valdís Gísladóttir, Margrét Eir, Sveinn Þór Geirsson, Guðjón Karlsson, Jón Páll Eyjólfsson, Jóhannes Haukur Jóhannesson og Ester Thalia Casey.
Já það er einvalalið sem að þessum söngleik kemur og má nefna að Laddi leikur hinn skemmtilega karakter Vince Fontain en alls taka 18 manns þátt í sýningunni og annar eins hópur vinnur á bak við tjöldið. Miðasala er hafin í Borgarleikhúsinu.

2003-06-18T13:53:00.000-07:00

Beckham-æði hefur gripið um sig víða um heim eftir að enski landsliðmaðurinn ákvað að ganga til liðs við spánska liðið Real Madrid frá Englandsmeisturum Man. Utd. Þá eru aðdáendur Man. Utd sagðir harma brottför Beckham frá liðinu. Allt bendir til þess að hann beri númerið 11 á keppnistreyjunni þegar hann hefur leik með Real Madrid í upphafi næsta keppnistímabils.
Einkum er áhuginn fyrir Beckham mikill á Spáni og í Japan, en þar er leikmaðurinn í kynningarferð ásamt eiginkonu sinni, Viktoríu. Um 500 öskrandi aðdáendur biðu eftir David Beckham þegar hann kom til Japans í dag. Þá voru hundruð ljósmyndara og blaðamanna sem biðu hjónanna við Narita-flugvöllinn nærri Tókýó. Þau sögðu hins vegar ekkert, heldur brostu einungis fyrir framan myndavélarnar. "Ég sá hann, ég sá hann," öskraði Ayumi Hiwada, 39 ára, í samtali við Reuters. "Ég er alsæl," sagði hún. Beckham er sagður goðsögn meðal knattspyrnuunnenda í Japan og víða í Asíu, en það er ein ástæðan fyrir áhuga Real Madrid og annarra félaga á leikmanninum, en félagið vill vinna fleiri knattspyrnuunnendur í Asíu á sitt band með kaupunum.

Ljósmyndir af Beckham-hjónunum eru á flestum forsíðum dagblaða í Madríd og víðar á Spáni í dag. Mikið var rætt um kaupin í útvarpi og sjónvarpi þar í landi í dag og á einni sjónvarpsstöðinni heyrðist þulur segja: "guð blessi nýja kónginn." Þá hefur Jorge Valdano, framkvæmdastjóri hjá Real Madrid, sagt að kaupin á Beckham, fyrir um nærri þrjá milljarða króna, séu hin fullkomnu kaup því þau geri bæði markaðs- og íþróttadeildir félagsins ánægða. Á sama tíma hafa aðdáendur Man. Utd lýst yfir áhyggjum sínum á Netinu vegna brotthvarfs Beckham. "Við getum alveg eins afhent Real Madrid Evrópumeistaratitilinn eftir kaupin. Real Madrid er eitt besta liðið í Evrópu og við afhendum þeim einn af okkar bestu leikmönnum. Það er ekki hægt að keppa við slíkt," sagði Craig Hudson, breskur aðdáandi liðsins. "Ég vona að Man. Utd og Real Madrid mætist í Meistaradeildinni því ég vil að Beckham fái að kenna á mistökum sínum að hafa yfirgefið Man. Utd," sagði Alexander Alexeev, annar aðdáandi liðsins.

Þá var greint frá því að Beckham, sem hefur haft númerið sjö á treyju sinni hjá Man. Utd, verði líklega með númer 11 hjá Real Madrid.

Jorge Valdano, framkvæmdastjóri hjá spánska knattspyrnuliðinu Real Madrid, segir að kaupin á enska knattspyrnumanninum David Beckham eigi eftir að koma félaginu til góða bæði innan vallar og utan. Valdano hefur fagnað samningi félagsins við Beckham, sem er til fjögurra ára, og telur að hann eigi eftir að efla ímynd þess og stöðu innan knattspyrnunnar. "Hann er frábær knattspyrnumaður, elskar fótbolta og hefur helgað sig atvinnu sinni."
Kaup Real Madrid á Beckham frá Man. Utd hljóða upp á þrjá milljarða króna (24,5 milljónir breskra punda). þá fær Real Madrid 50% af öllum kostunarsamningum sem Beckham gerir á samningstímanum. "Samningamálin voru flókin í tilfelli Beckham því ímynd hans er mikilvæg," segir Valdano. "Hann lýsti yfir vilja til þess að koma til okkar jafnvel þó að hann tapi fjármunum á því." Þá hefur Valdano sagt að Beckham fái laust númer á búningi sinn frá einum til 25, en fái ekki númer sjö eins og var á treyju hans hjá Man. Utd, því Raul notar slíkt númer.

Ekki liggur fyrir hvort að Beckham fái að taka allar mikilvægar aukaspyrnur hjá liðinu því Brasilíumaðurinn Roberto Carlos hefur séð um þær fyrir liðið. Carlos hefur gert grín af spurningum blaðamanna og sagt að hann ætli að leyfa Beckham að taka nokkrar, en segir svo: "Hann hefur skorað falleg mörk úr aukaspyrnum en þarf ekki að taka allar aukaspyrnur."

Vicente Del Bosque, þjálfari Real Madrid, segir að kaupin á Beckham séu hluti af áætlun Florentino Perez, forseta félagsins, um að laða fræga knattspyrnumenn til liðsins. "Beckham er frábær knattspyrnumaður og goðsögn innan knattspyrnunnar. Hann er miðvallarleikmaður sem getur leikið í ýmsum stöðum á vellinum," segir Bosque.

Brooklyn, fjögurra ára gamall sonur Davids og Victoriu Beckham, hefur fengið nýjan píanókennara og hann ekki af verri endanum. Er það enginn annar en tónlistarmaðurinn Elton John sem er mikill vinur fjölskyldunnar. Sambýlismaður hans, David Furnish, var einmitt guðfaðir Brooklyns. Fullyrt er að Brooklyn sé góðum tónlistargáfum gæddur og honum gangi vel í píanónáminu. Elton er sagður hafa mjög gaman af kennslunni og David og Victoria séu yfir sig ánægð.

Lítill áhugi virðist vera á tónleikaferðalagi þeirra Justin Timberlake og Christina Aguilera um Bandaríkin en fyrstu tónleikarnir voru í Staples Center Los Angeles í gærkvöldi. Miðasala á tónleikana, sem ganga undir nafninu Justified/Stripped hefur verið dræm og hefur fyrirhuguðum tónleikum verið fækkað úr 60 í 45 og einnig verða þeir fluttir í minni hús.

Nýja bókin um galdrastrákinn Harry Potter er svo stór og þung - og breskir lesendur eru búnir að panta svo margar - að konunglega breska póstþjónustan greindi frá því í gær að bætt yrði við bílum til að létta undir með póstburðarfólkinu.
Nýja bókin, Harry Potter og Fönixreglan, eins og hún mun heita í íslenskri þýðingu, kemur út í Bretlandi á laugardaginn. Hún er 768 blaðsíður að lengd og um eitt kíló að þyngd. Dreifa á um hálfri milljón eintaka af bókinni á laugardaginn, flestum í London, Glasgow og Edinborg, en samkvæmt breskum reglum mega póstburðarmenn einungis bera 16 kíló í einu. "Þar eð bókin er mjög stór og þung höfum við gert sérstakar ráðstafanir til þess að dreifingin geti farið fram með bílum," sagði ónafngreindur fulltrúi konunglegu póstþjónustunnar.

2003-06-09T05:30:00.000-07:00

Fréttir 9. apríl
Michael Jackson er sagður hafa rekið alla ráðgjafa sína vegna fjaðrafoksins í kring um heimildarmyndina "Living with Michael Jackson" eftir breska sjónvarpsmanninn Martin Bashir. Söngvarinn er sagður óttast að myndin hafi bundið enda á feril hans. Þá er hann sagður álasa ráðgjöfum sínum fyrir að sjá það ekki fyrir hversu illa hann kæmi út í myndinni og fyrir að koma ekki í veg fyrir að hann heimilaði gerð hennar.

2003-06-08T15:07:00.000-07:00

8.4.2003 -

Justin Timberlake viðurkennir það nýlega í opinskáu viðtali við kvennablaðið Marie Claire að hann hafi á tímabili verið Háður fyrrverandi kærustu sinni, Britney Spears. Í blaðinu lýsir hann því hvernig hann hefði verið miður sín þegar þau hættu saman en náði samt sem áður að beisla þær tilfinningar og setja þær allar í plötuna sína “justified”. Þegar hann var spurður hvort það væri satt að ástæða sambandslitana hafi verið framhjáhald þá svaraði hann því að hann vildi ekkert segja nema að hann hafi allavega aldrei verið ótrúr.. sem þýðir nátturulega að Britney hélt framhjá homum.

Sjónvarpsstöðin MTV stendur fyrir samkeppni þar sem launin eru helgarferð til Íslands. Keppnin er fyrir Norðurlandabúa og er hægt að taka þátt í henni á vef stöðvarinnar. Vinningshafarnir verða fjórir frá jafnmörgum löndum, Danmörku, Svíþjóð, Noregi og Finnlandi, og mega þeir taka 14 bestu vini sína í ferðina. Alls eru því 60 manns á leið til landsins föstudaginn 25. apríl vegna þessa. Ferðinni er lýst sem ógleymanlegri ævintýra- og skemmtiferð en tekið er fram að ekki sé borgað fyrir drykki og verslunarferðir.

Tónleikar gegn Nato (eða FUCK NATO) verða haldnir í Iðnó í kvöld. Þar mun kosta 500kr. inn og er ekkert aldurstakmark. Tónleikarnir hefjast klukkan 18:00 og standa til 22:00. En á meðal þeirra sem koma fram eru:Snafu, Dys, Iadapt, Kimono, Elín Helena, Lunchbox, Innvortis og Hrafnaþing.

Hljómsveitin White Stripes er heldur betur að gera það gott í Englandi þessa daganna…. nýja White Stripes platan, Elephant er nú komin beint í fyrsta sæti breska breiðskífulistans og selldust yfir 80 þúsund plötur í fyrstu viku hennar í sölu. Krakkarnir í White Stripes eru að vonum glaðir með þennan árangur enda hafa þau, með þessu, toppað ekki ómerkari sveitir en Linkin Park, Coldplay og Avril Lavigne.

2003-06-08T15:06:00.000-07:00

7.4.2003

Lesendur bresks tímarits hafa valið söngvarann Justin Timberlake kynþokkafyllsta karlmann í heimi. Hrindir hann þar með knattspyrnumanninum David Beckham af stalli en Beckham hreppti þennan titil á síðasta ári. Það er breska kvennablaðið Marie Claire sem stendur fyrir þessari könnun. Timberlake, sem eitt sinn var kærasti söngkonunnar Britney Spears, fékk atkvæði 51% þeirra sem tóku þátt. Þátttakendurnir nefndu einkum útlit hans, danskunnáttu og stæltan skrokk.

Á fyrstu tónleikum Pearl Jam í Bandaríkjunum frá því að núveradi stríð við Írak hófst, gengu víst nokkrir aðdáendur út af tónleikum sveitarinnar vegna framkomu Eddie Vedders, söngvara sveitarinnar. Svo segir að minnstakosti í tónleikaumfjöllum um sveitina í blaðinu Rocky Mountain News. Meðlimir sveitarinnar sendu frá sér yfirlýsingu vegna málsins og sögðust ekki sjá eftir neinu en það sem gerðist var að Eddie Veddier skellti andlitslíkneski af forseta bandaríkjanna á hljóðnema stand, sem hann síðar fleygði á gólfið og traðkaði á. Þetta fór víst fyrir brjóstið á fréttamanni blaðsins, og ákvað hann að yfirgefa tónleikna.

Johnny Cash, goðsögn með meiru, hefur verið útskrifaður af spítala, en hinn 71 árs gamli söngvari var lagður inn 10. mars vegna taugasjúkdóms sem hrjáir hann. Ástæða þess að hann dvaldi svo lengi á spítalanum var, að sögn lækna, helst sú að þeir vildu vera fullvissir um líðan hans áður en þeir létu hann frá sér. Fleiri stjörnur hafa náð heilsu, en Sharon Osbourne, sem varð fræg í veruleikaþáttum um líf fjölskyldu Black Sabbath-rokkarans og leðurblökuvinarins Ozzy Osbourne, greindist með krabbamein í júlí í fyrra. Hún hefur nú undirgengist árangursríka lyfjameðferð en þó er alltaf hætta á að meinið taki sig upp á ný.

Incubus bassaleikarinn Dirk Lance, sem að er einn af stofnmeðlimum sveitarinnar, er hættur.. samkvæmt því sem stendur á heimasíðu sveitarinnar í dag. Brandon Boyd, söngvari Incubus, segir þar að þeir kveðji félaga sinn með söknuði en enginn ástæða er gefin upp í tilkynninguni. Þeir óska honum bara alls hins besta og segja farvel frans!!

2003-06-04T15:17:00.000-07:00

David Beckam og Victoria fóru með börnin sín í Disney-land og höfðu gaman af. Þau sögðu víst upp lífvörðunum og skelltu sér. Ekki var að sjá hvort að David skemmti sér meira en börnin sín.

2003-06-03T15:56:00.000-07:00

Tyrkir hafa verið kærðir til stjórnar Söngvakeppni evrópskra sjónvarpsstöðva fyrir lagastuld en sigurlag keppninnar á laugardag ?Everyway That I Can“ er sagt stolið og hljóma ansi líkt og lag sem vinsælt var í Tyrklandi. Á blaðamannafundi í fyrrinótt sagði Sertab Erener, sem söng sigurlagið, að hún skildi vel að fólki fyndist lag hennar líkt lagi popparans Tarkans, ?Simarik“.
Breska söng- og leikkonan Holly Valance söng lag Tarkans í enskum búningi og hlaut það þá nafnið Kiss Kiss. Þegar danska dagblaðið Ekstra bladet ræddi við þriggja manna nefnd á vegum keppninnar, sem fjalla mun um kæruna, í gær hafði málið ekki verið afgreitt. Það dregur úr líkunum á að lagið verði dæmt úr keppninni að kæran var ekki lögð fram fyrr en á laugardagskvöld en þá höfðu þátttakendur frá hinum 25 löndunum heyrt tyrkneska lagið mörgum sinnum. Kjell Ekholm, sem á sæti í nefndinni, segir að málið gæti farið fyrir dómstóla kæri höfundur Simarik höfundarréttarbrot. En það er hæpið að Tarkan geri slíkt. Hann er góður vinur Sertab Erener, sem er poppstjarna í heimalandinu og hefur frá árinu 1992 selt ríflega fjórar milljónir platna. Hún hefur sungið með José Carreras og Ricky Martin. Erener sagðist vel geta skilið að lögin hljómuðu eins. ?En svona er tyrkneskt popp, vissar tóntegundir eru gegnumgangandi,“ segir söngkonan. Erener, sem er 39 ára, fagnaði sigrinum með dönsurunum fjórum sem dönsuðu á sviðinu í Riga í takt við ?Everyway That I Can“. Stúlkurnar búa þó alls ekki í Tyrklandi heldur í Vín í Austurríki. ?Við vorum saman í tónlistarskóla í Austurríki. Fyrrverandi kennari okkar fékk hugmyndina að því að finna nokkrar ungar stúlkur sem gætu bæði sungið og dansað,“ segir söngkonan. Þetta er í fyrsta skipti sem Tyrkir fara með sigur af hólmi í Evróvisjón en þeir hafa verið með í keppninni frá því árið 1975. Bæði forseti landsins, Ahmet Necdet Sezer, og forsætisráðherrann, Recep Tayyip Erdogan, hafa óskað Erener til hamingju. Þetta er ennfremur í fyrsta skiptið sem Tyrkir flytja lag á ensku í keppninni og mæltist það misjafnlega fyrir heima fyrir. ?Sertab tókst það eftir 28 ár,“ sagði á forsíðu dagblaðsins Milliyet. Á forsíðu Hurriyet stóð einfaldlega: ?Þakka þér fyrir Sertab“.

2003-06-02T13:32:00.000-07:00

Í frétt Reuters segir að breskir fjölmiðlar kenni ýmist lélegum tækjabúnaði eða ?myrkum pólitískum öflum í Evrópu“ um afhroðið. Jafnvel stjórnmálamenn voru spurðir álits en Peter Hain, sem fer með málefni Wales í ríkisstjórninni, fór varlega í að tjá sig um málið. Í frétt Daily Mirror sagði að auðvitað hefði úrslitunum verið hagrætt. Þá sagði í grein blaðsins að blaðamenn hefðu gert tölfræðilega úttekt á stigagjöf undanfarinna ára og hún sannaði m.a. samsærið milli Kýpurs og Grikklands. Dagblaðið Telegraph, sem þykir fremur hægri sinnað, tók í sama streng og kom fram með þá hugmynd að samsæri hefði verið milli Íslendinga og Norðmanna. ?Kannski þetta gagnkvæma klapp á bakið hafi verið tilkomið vegna ákvörðunar Íslendinga um að hefja hvalveiðar að nýju eftir 15 ára hlé,“ segir í frétt blaðsins. Fregnir af því að skemmdarverk hefðu verið framin á búningsherbergi Jemini á meðan þau voru á sviðinu í Riga ýttu undir grunsemdir um að þau væru fórnarlömb evrópskra stríðsandstæðinga í kjölfar stríðs Breta og Bandaríkjamanna gegn Írak. Í grein í blaðinu Guardian er þó borin upp sú spurning, hvers vegna bandamennirnir Spánverjar og Ísraelar gáfu Jemini ekki eitt einasta stig ef keppnin snerist bara um pólitík. ?Í leit sinni að svari verður þjóðin að horfast í augu við annan möguleika: Lagið okkar var hundlélegt.“ ?Það var hræðilegt,“ hefur blaðið The Mirror eftir Louis Walsh, dómara í poppþætti. Þegar dúettinn lenti aftur á Heathrow-flugvelli vísaði Cromby á bug fullyrðingum um að þau hygðust breyta nafninu í ?Núll stig“ en sagði ekki útilokað að næsta hljómplata myndi bera þann titil.

2003-05-31T14:23:00.000-07:00

Óþekktarormurinn Eminem hefur fengið á sig enn eina málshöfðunina, - að þessu sinni frá fyrrverandi skólabróður sem segir Eminem hafa lagt sig í einelti og gert sér skólavistina sem vítisdvöl. Mælirinn fylltist síðan þegar rapparinn með ljósa hárið notaði nafn sækjanda, DeAngelo Bailey, í einum af söngtextum sínum. Rapparinn vill hins vegar meina að þessu hafi verið öfugt farið og DeAngelo hafi eitt sinn lumbrað svo á honum að glókollurinn fékk blóðnasir.

2003-05-31T08:57:00.000-07:00

J.Lo.jpg Lopez, eða J-Lo, hætti sambúð með P. Diddy árið 2000 vegna kvensemi hans.
Lopez segir að samband sitt við P. Diddy hafi verið stormasamt. Hún hafi grátið og orðið brjáluð úr afbrýðisemi því hún vissi að P. Diddy væri með öðrum konum og hafi horfið heilu kvöldin án þess að láta vita af sér. Þá segir hún að Diddy hafi viljað giftast henni. "Ég þurfti að hugsa mig um. Vildi ég vera í þeirri aðstöðu eftir 10 ár að eiga börn með manni sem væri á flandri klukkan þrjú að nóttu," er haft eftir Lopez, sem hætti með P Diddy og hyggst giftast leikaranum Ben Affleck.

2003-05-20T11:36:00.000-07:00

Hljómsveitin Mínus heldur kveðju tónleika sína í Austurbæ í kvöld en sveitin er einmitt á leiðin útí heim í mikla tónleika ferð til þess að kynna plötuna Halldór Laxness, sem að er væntanleg í verslanir þann 12. maí næstkomandi. Tónleikarnir hefjast klukkan 20:00 fer forsala aðgöngumiða fram í Japis á Laugavegi. Ásamt Mínus koma fram í kvöld: Dáðadrengir, Sign og Dikta.

2003-05-17T15:20:00.000-07:00

Nýja platan hennar Madonnu, American Life, hefur heldur betur fengið óblíðar móttökur gagnrýnenda vestanhafs sem hafa nánast einum rómi rakkað hana niður í svaðið. Ganga sumir gagnrýnendur svo langt að velta vöngum yfir hvort poppdrottningin sé orðin völt í sessi, sé búin að glata töframættinum sem hún hefur verið gædd í tvo áratugi. Derek Brown sem er blaðamaður hjá Breska slúðurblaðinu The Sun segir til dæmis að þessi plata sé ekki gubbsins verð og að Madonna ætti alvarlega að hugleiða að leggjast í helgan stein eða einfaldlega leggja stund á klámmyndaleik fyrir aldurshópinn 40 ára og eldri.

Michael Jackson er sagður hafa rekið alla ráðgjafa sína vegna fjaðrafoksins í kring um heimildarmyndina "Living with Michael Jackson" eftir breska sjónvarpsmanninn Martin Bashir. Söngvarinn er sagður óttast að myndin hafi bundið enda á feril hans. Þá er hann sagður álasa ráðgjöfum sínum fyrir að sjá það ekki fyrir hversu illa hann kæmi út í myndinni og fyrir að koma ekki í veg fyrir að hann heimilaði gerð hennar.

2003-05-15T14:10:00.000-07:00

Par í Kína var að eignast barn um daginn og viti menn, barnið var skírt Saddam De Sarh. Ástæðan fyrir að hún heitir Saddam er að hún fæddist þegar að stríðið í Írak hófst. Ástæðan fyrir að hún heitir Sarh er út af lúnabólgunni sem að er í Suður-Kína.

Ray Romano, sem að er aðalleikarinn í Evrybody loves Raymond, fær ekki meira né minna 86 (íslenskar) en það er ekki nóg. Hann vill fá 100 (íslenskar) í laun fyrir hvern og einn þátt. Ef að það skeður ekki þá verður hætt með tökur á þáttunum. Þessir geysivinsælu þættir eru sýndir á SkjáEinum eru orðnir jafn vinsælir og Friends, en ekki jafn hátt borgaðir.

Rapparinn Jay-Z ætlar að fara að hanna sína eigin fatalínu og þá vantar honum að sjálfsögðu aðal-fyrirsætu. Sú sem að hefur boðið sig fram til þess er Viktoria Beckham, eiginkona Davids Beckhams. Hún fær 130 (íslenskar) fyrir það. Hjónin eru ein af ríkustu hjónum í heiminum en það er greinilega ekki nóg.

Slúður gengur um að Avril Lavinge, söngakonan fræga, hefur ekki notað shampó í hálft ár. Hún segir að það leiðinlegasta sem að hún gerir er að fara í sturtu og þvo sér. Þegar að það er verið að taka upp myndband með henni er kvartað mikið því að það er svo vond lykt af henni, svo að enginn vill vinna með henni nema að hún fer að fara reglulega í sturtu. Að sjálfsögðu eru þetta mjög mikil vonbrigði fyrir aðdáendur hennar, um allan heim.